སྒྲ་ཐག་ MP3 ལ་བསྒྱུར་བ།

སྤེལ་མཁན། དབང་གྲགས། ཡོངས་ཁུངས། བོད་ལྗོངས་མི་དམངས་ཀུན་ཁྱབ་རླུང་འཕྲིན་ལས་ཁུངས་དྲ་བ། རྡེབ་ཚད། སྤེལ་དུས། 11/05/03

       MP3 ནི་སྤྱིར་བཏང་གི་སྒྲའི་ཡིག་ཆ་དང་བསྡུར་ན་སྒྲ་གདངས་ལ་འགྱུར་བ་སོང་མེད་ལ་ཡིག་ཆའི་ཆེ་ཆུང་ལྡབ་ འགྱུར་གྱི་ཇེ་ཆུང་དུ་སོང་ཡོད་པའི་སྒྲའི་ཡིག་ཆ་བཙིར་གནོན་བྱས་པའི་རྣམ་པ་ཞིག་ལ་གོ། སྒྲ་ཐག་དང་བསྡུར་ན་ཉར་ཚགས་ཀྱི་དུས་ཡུན་རིང་ལ་ཤོང་ཚད་ཆེ་སྟེ། འོད་སྡེར་གཅིག་གི་སྟེང་དུ་སྒྲ་ཐག་བཅུ་ཡས་མས་ཀྱི་ནང་དོན་ཤོང་ཐུབ་པས། ད་ལྟ་སྒྲ་སྙན་རྡུང་ལེན། དམངས་གླུ། ཞལ་འདོན་ཕྱོགས་བསྒྲིགས། གེ་སར་གྱི་སྒྲུང་ལ་སོགས་པའི་ སྒྲ་ཐག་ MP3 དུ་བསྒྱུར་བ་གཅིག་རྗེས་གཉིས་མཐུད་དུ་བྱུང་བཞིན་ཡོད།
       MP3 དེའི་སྒྲ་ལ་ཅི་ལྟར་ཉན་དགོས་ཞེ་ན། དེ་ལ་ཡོ་བྱད་ཤིན་ཏུ་མང་སྟེ་ MP3 སྒྲ་གཏོང་ཆས་དང་ VCD DVD སོགས་སུ་ཉན་ཆོག དེ་ན་སྒྲ་བསྒྱུར་ཚུལ་གྱི་གོ་རིམ་ནི་འདི་ལྟ་སྟེ། སྔོན་ལ་སྲ་ཆས་ཀྱི་ཕྱོགས་ནས་བཤད་ན་སྒྲ་གདངས་ཅུང་ལེགས་པའི་ལུས་འགྲོགས་སྒྲ་ཕབ་འཁོར་ལོའམ་སྒྲ་ཕབ་འཁོར་ལོ་ཞིག་དགོས། ད་དུང་དེ་དང་རྩིས་འཁོར་གྱི་བར་དུ་ཆེད་ལས་ཀྱི་སྒྲ་བསྒྱུར་སྐུད་པ་གྲ་སྒྲིག་བྱེད་དགོས། གོང་གི་ཆ་རྐྱེན་དེ་དག་འཛོམས་རྗེས་སྒྲ་ཕབ་འཁོར་ལོའི་བསྒར་ཁུང ( རྣ་ཉན་ཁུང་བུ་ཡང་ཆོག ) རྩིས་འཁོར་སྒྲ་བྱང་གི་ LINE IN བསྒར་ཁུང་དུ་མཐུད་དགོས། མཉེན་ཆས་ཀྱི་ཕྱོགས་ནས་གླེང་ན། སྒྲ་ཕབ་ལེན་མཉེན་ཆས་ཤིན་ཏུ་མང་སྟེ། COOL EDIT 200 དང་ COOL PRO གཞན་ GOLDWAVE རང་གི་འདོད་མོས་ལྟར་སྣ་གཅིག་རྩིས་འཁོར་དུ་ནང་སྤྲོད་བྱ་དགོས། སྒྲ་ལེན་ སྐབས་སྒྲའི་ནང་ འཇུག་སྣེ་གནས་ LINE IN འདེམས་དགོས་ལ་སྒྲའི་ཟློས་ཚད་མ་དཔེ༢༢བླངས་ན་སྒྲ་གསལ་ཞིང་ དྭངས་བའི་དགེ་མཚན་ལྡན། སྒྲ་ཐག་གི་སྒྲ་རྣམས་འཕྲུལ་འཁོར་དུ་བླངས་ཚར་རྗེས་རང་གི་དགོས་མཁོ་ལྟར་རྩོམ་ སྒྲིག་དང་སྒྲ་ཆེ་ཆུང་སྙོམས་སྒྲིག་ཙག་སྒྲ་ལེན་པ་སོགས་གང་འདོད་བྱ་ཆོག། ད་ལྟ་བླངས་ཡོད་པའི་ཡིག་ཆ་དེ་སྒྲའི་སྤྱིར་བཏང་གི་ཡིག་ཆའི་རྣམ་པ་ WAV ཡིན། དེ་ཤོང་ཚད་ཤིན་དུ་ཆེ་བས་རང་གི་ཉར་ཚགས་བྱེད་སྐབས MP3 དང་ CD གང་རུང་ཞིག་འདེམས་ནས་ཉར་ཚགས་ཆོག་པ་རེད།
       དོ་སྣང་བྱ་ཡུལ། ཁྱེད་ཀྱི་རྩིས་འཁོར་གྱི་སྒྲ་བྱང་ཇི་འདྲ་བཟང་ན་སྒྲ་བླངས་པ་དེ་ལྟར་བཟང༌།

Copyright 2006-2017 Powered By jzschool 青ICP备06000522号 QQ:36150041
དྲ་ཚིགས་འདིའི་པར་དབང་ཡོད་ཚད་གཅན་ཚ་རྫོང་མི་རིགས་སློབ་འབྲིང་ལ་དབང་།