དམའ་འབྲིང་གཉིས་པའི་སྐད་ཡིག་སྤྱི་རྒྱུགས་འདྲི་གཞི།

སྤེལ་མཁན། དབང་གྲགས། ཡོངས་ཁུངས། ངེད་དྲ་བ། རྡེབ་ཚད། སྤེལ་དུས། 11/04/14

གཅིག  གཤམ་གྱི་ཐ་སྙད་ལ་འགྲེལ་རྒྱོབ། (སྐར༡༢)
མཐའ་འཁོབ                             ཀྱོ་བ
སྲོག་བསྡོས                               སྤུད་པ
ཞེད་སྣང                                 བྱོལ་སོང
སྙོན་མེད                                 འཁང་ར
གཉིས  གཤམ་གྱི་མངོན་བརྗོད་དག་ངོས་འཛིན་བྱོས།(སྐར༦)
དྲི་བཞོན                                སྤྲིན་གྱི་མེ་ཏོག
ལྷ་ལམ                                  དབྱར་སྐྱེས་རྔ
འཛིན་མ                               གསེར་ལྡན་ལྗོངས
གསུམ།  ༡ ཕྲད་ཁ་སྐོངས།(སྐར༡༠)
གླུ་ནི་བོད་རིགས་མི་དམངས་ཀྱི་ངལ་རྩོལ་དང་འཚོ་(      )ཁྲོད་ནས་རང་(     )བློ་གློས་(     )བརྟེན་ནས་གསར་རྩོམ་བྱས་པ་དང་། ཁོ་ཚོ་ཐུན་མོང་(      )གསར་རྩོམ་བྱས་པའི་ངག་ཐོག་གི་སྙན་ངག་(       )ཡིན་ལ། བོད་(      )རྩོམ་རིག་གི་གྲུབ་ཆ་གལ་ཆེན་ཞིག་ཡིན་པ་མ་ཟད། རིག་གནས་ཀྱི་གྲུབ་ཆ་གལ་ཆེན་ཞིག་(      )ཡིན།   དེ་(     )འཆར་ཡན་གྱི་བློ་(     )རྩེད་མཚར་གྱི་ཉམས་ལ་བརྟེན་(      )མི་རྣམས་ཀྱི་བསམ་བློ་དང་ཡིད་ཤེས། དགའ་སྐྱོ་ཆགས་སྡང་སོགས་མཚོན་གྱིན་ཡོད་པ་རེད།
༢ དོན་ཁ་སྐོངས།(སྐར༡༥)
(༩)གཡུ་ཐོག་རྙིང་མ་ཡོན་ཏན་མགོན་པོས་ཀོང་པོ་སྨན་ལུང་དུ་(                  )ཐོག་མར་བཙུགས།  སློབ་ཡུན་ལོ་(        )གཏན་འབེབ་བྱས་ལ། 《                     》སློབ་གཞི་གཙོ་བོ་བྱས།
(༢)མིང་རྒྱལ་རབས་ཀྱི་གོང་མ་ཡུང་ལོས་བོད་ཡིག་གི་(               )ཆ་ཚང་པེ་ཅིན་དུ་པར་སྐྲུན་བྱས་ཏེ། སྐབས་དེར་བོད་ས་གནས་སུ་སྐད་གྲགས་ཡོད་པའི་ཆོས་ལུགས་མི་སྣ་(            )དང་ཀརྨ་པ།  (               )གསུམ་ལ་ཆ་ཚང་རེ་བསྐུར་བ་དེས་བོད་ས་གནས་སུ་པར་སྐྲུན་གྱི་ལག་རྩལ་དར་བའི་སྒོ་མོ་ཕྱེས།
(༣)ཏེ་དེ་སྟེ་གསུམ་ལྷག་བཅས་ཏེ། །  མཚམས་སྦྱོར་(                  )གཞན་གསུམ། ། ད་(       )ན་ར་ལ་(        )། ། ག་ང་བ་མ་འ་རྣམས་དང་། །  རྗེས་འཇུག་མེད་མཐར་(         )འཐོབ་བོ། །
(༤)དཔེ་ཅན་གྱི་(               )དེ་ཉིད་དཔེ་ལ་ཡོད་སྙམ་པའི་ང་རྒྱལ་ཡོད་པ་ལྟ་བུར་སྒྲོ་བཏགས་ནས།  དེའི་ང་རྒྱལ་འགོག་པའི་ཆེད་དུ་(             )གཞན་ཞིག་འགོད་པ་དེ་ནི་(                  )དཔེ་ཡིན།
(༥)《དགེ་ལྡན་ལེགས་བཤད》་ཀྱི་རྩོམ་པ་པོ་ནི་(                        )ཡིན་ཞིང་།  ལེགས་བཤད་འདི་ནི་(                       )ལ་དཔེ་བྱས་ནས་བརྩམས་པ་ཡིན།
བཞི གདམ་གསེས།(སྐར༧.༥)
༡ བོད་འབངས་ཀྱི་དབུལ་ཕྱུག་ལན་གསུམ་ལ་སྙོམས་མཁན་ནི་(           )ཡིན།
ཀ སྲོང་བཙན་སྒམ་པོ། ཁ མུ་ནེ་བཙན་པོ ག ཁྲི་སྲོང་ལྡེ་བཙན།    ང གླང་དར་མ།
༢ ད་ལྟའི་བོད་ཀྱི་ཡིག་གཟུགས་འབྲི་སྲོལ་འདི་ནི་(            )ཡི་ཕྱག་རྒྱུན་ཡིན།
ཀ  སློབ་དཔོན་ཐོན་མི།    ཁ  སྲོང་བཙན་སྒམ་པོ།    ག  ཁྱུང་བོ་གཡུ་ཁྲི།
༣ དངུལ་ཆུ་བཙོ་བཀྲུ་ཆེན་མོའི་ལག་ལེན་གསར་དུ་བཏོད་མཁན་ནི་(      )ཡིན།
ཀ  གཡུ་ཐོག་ཡོན་ཏན་མགོན་པོ།      ཁ བྱང་བ་རྣམ་རྒྱལ་གྲགས་བཟང་།
ག  མཁས་གྲུབ་ཨོ་རྒྱན་པ།        ང ཟུར་མཁར་མཉམ་ཉིད་རྡོ་རྗེ།
༤ ས་བོན་བཏབ་སྟེ་སྐྱེས་ལྟ་བུ་ནི་(         )ཡིན།
ཀ མཚམས་སྦྱོར་ལྷག་བཅས།              ཁ  ངེས་ཚིག་འདྲེན་པའི་ལྷག་བཅས།
ག དབྱེ་བ་འདྲེན་པའི་ལྷག་བཅས།         ང  རྒྱུ་མཚན་འདྲེན་པའི་ལྷག་བཅས།
༥ འོ་མ་འཐུང་ངམ་ཞོ་འཐུང་ཞེས་པའི་འབྱེད་སྡུད་ཀྱི་ཕྲད་ནི་(        )ལ་འཇུག
ཀ  འབྱེད་པ།      ཁ གདམ་ང་།      ག  ཐེ་ཚོམ།       ང   དྲི་བ།
ལྔ  བརྡར་ཤ་ཆོད།(སྐར༧.༥)
༡པོ་ཏ་ལ་ནི་ཕོ་བྲང་དམར་པོ་དང་ཕོ་བྲང་དཀར་པོ་གཉིས་ཀྱིས་གྲུབ་པ་ཡིན།(   )
༢ རི་དྭགས་རྔ་མ་བསྟན་ནས་ནི༎ ཁྲེལ་འདས་བོང་བུའི་ཤ་དག་འཚོང་༎ཞེས་པའི་ནི་སྒྲ་ནི་ངེས་བཟུང་ལ་འཇུག    (    )
༣ མཛའ་གྲོགས་ཟེར་ཀྱང་ལྐོག་ནས་སླུ་ཞེས་པ་ནི་མཐུན་པའི་ཚིག་རྒྱན་ཡིན།(    )
༤ ཁྱོད་ཀྱི་གདོང་བཞིན་ཆུ་སྐྱེས་ཏེ།། ཆུ་སྐྱེས་བཞིན་དུ་ཁྱོད་ཀྱི་ཞལ༎ཞེས་པ་ནི་ཕན་ཚུན་གྱི་དཔེའི་རྩ་བའི་དཔེར་བརྗོད་ཡིན། (    )
༥ གློག་གི་འོད་ཅེས་པ་ནི་ཁྱད་གཞི་དང་ཁྱད་ཆོས་ཀྱི་འབྲེལ་བ་ཡིན།  (     )
དྲུག  གཤམ་གྱི་ཚིག་གི་བསྟན་དོན་ཤོད།(སྐར༡༠)
༡    གླང་བོ་ལ་སོགས་སྲོག་ཆགས་བཞི༎
     འཛོམས་ནས་བསླབ་ཁྲིམས་བཅས་ལ་ལྟོས༎
བསྟན་དོན་ནི་
༢   མཁས་པ་རང་གིས་དཔྱོད་ཤེས་ཀྱི༎བླུན་པོ་གྲགས་པའི་རྗེས་སུ་འབྲང་༎
     ཁྱི་རྒན་གུ་ཅོ་འདོན་པ་ན༎ རྒྱུ་མཚན་མེད་པར་གཞན་དག་རྒྱུག།
བསྟན་དོན་ནི
བདུན།  དཔེ་བརྗོད་བཀླགས་ཏེ་དྲི་བར་ལན་ཐོབས།(སྐར༡༢)
       སྦྲང་རྩིའི་རོ་ལ་སྲེད་པའི་རྐང་དྲུག་བཞིན༎
       ལེགས་བཤད་འཚོལ་རྣམས་མཁས་པའི་མདུན་སར་རྒྱུ༎
       ལེགས་བཤད་དོན་དུ་གཉེར་བ་དེ་རྣམས་བཞིན༎
       སྦྲང་བུ་རྣམས་ནི་པད་མའི་ཚལ་དུ་འགྲོ༎
༡ འདི་ནི་རྒྱན་གང་གི་དཔེར་བརྗོད་ཡིན།

༢ དཔེ་བརྗོད་འདིའི་ནང་གི་དཔེ་གང་དང་དཔེ་ཅན་གང་ཡིན།

༣ དཔེ་དང་དཔེ་ཅན་གཉིས་ཀྱི་མཚུངས་ཆོས་གང་ཡིན།

བརྒྱད།   རྩོམ་འབྲི། (སྐར༢༠)
       རང་ལ་ཆེས་ཤ་ཚ་བའི་གཉེན་ཉེ་གང་རུང་ཞིག་གི་བརྩེ་སེམས་བརྗོད་བྱ་བྱས་ཤིང་། ཁ་བྱང་རང་གིས་བཀོད་ནས་རྩོམ་ཡིག་ཅིག་ཕྲིས།
རྩོམ་འབྲིའི་རེ་འདུན།
       ༡ མི་སྣའི་གཟུགས་དབྱིབས་དང་གཏམ་སྤྱོད་ཞིབ་འབྲི་བྱོས།
       ༢ ཚིག་སྦྱོར་བདེ་ཞིང་དོན་གསལ་བ། དག་ཆ་ལྡན་པ་ཞིག་ཡིན་དགོས།
       ༣ ཚེག་ཁྱིམ་སུམ་བརྒྱའི་ཡན་ལོང་དགོས།
 

Copyright 2006-2017 Powered By jzschool 青ICP备06000522号 QQ:36150041
དྲ་ཚིགས་འདིའི་པར་དབང་ཡོད་ཚད་གཅན་ཚ་རྫོང་མི་རིགས་སློབ་འབྲིང་ལ་དབང་།