མཚོ་སྔོན་ཞིང་ཆེན་སྐབས་དང་པོའི་བོད་ཀྱི་ཐ་སྙད་གསར་བའི་ཤེས་རིག་འགྲན་ཚོགས་ཟི་ལིང་ནས་བསྡུས་པ།

སྤེལ་མཁན། དབང་གྲགས། རྡེབ་ཚད། སྤེལ་དུས། 10/12/23

མཚོ་སྔོན་ཞིང་ཆེན་སྐབས་དང་པོའི་བོད་ཀྱི་ཐ་སྙད་གསར་བའི་ཤེས་རིག་འགྲན་ཚོགས་ཟི་ལིང་ནས་བསྡུས་པ།
འགྲན་ཚོགས་སྤེལ་ཡུལ་གྱི་སྟེགས་བུའི་རྣམ་པ། 

      ཟླ་འདིའི་སྤྱི་ཚེས་བཅོ་བརྒྱད་ཉིན་མགོ་ལོག་གངས་ལྗོངས་ཤེས་རིག་ཡར་སྐུལ་ཚོགས་པས་གཙོ་སྒྲུབ་བྱས་པའི་བོད་ཀྱི་ཐ་སྙད་གསར་བའི་འགྲན་བསྡུར་གཞི་རྒྱ་ཅུང་ཆེ་བ་ཞིག་མཚོ་སྔོན་ཟི་ལིང་མགྲོན་ཁང་ཆེན་མོའི་ཐོག་ཁང་ནས་བསྡུས་པ།
      འགྲན་བསྡུར་འདིའི་གཙོ་སྙིང་ནི།གངས་ལྗོངས་ཤེས་རིག་ཡར་སྐུལ་ཚོགས་པ་གཙོ་བོ་ཡིན་པའི་མགོ་ལོག་ཁུལ་གྱི་མགོ་ཁྲིད་ལས་བྱེད་དང༌། བསམ་བློ་བ་སྒྱུ་རྩལ་བ་ཤེས་ཡོན་པ་སོགས་ཀྱིས་གྲོས་ཆོད་ལྟར་ཉེ་ཆར་བོད་མདོ་དབུས་ཁམས་གསུམ་གྱི་སྐད་གསུམ་ལོ་ཙཱ་བ་མི་ཉུང་བས་དཔྱད་བསྡུར་གཏན་འབེབ་བྱས་པའི་རིས་འབྲེལ་མིང་མཛོད་དང༌། རྒྱལ་ཡོངས་རང་བཞིན་གྱི་ཚད་ལྡན་རྒྱ་བོད་དབྱིན་གསུམ་མིང་མཛོད་ནང་གི་ཐ་སྙད་དང་ཚིག་གྲུབ་ལ་རྐང་བཙུགས་ཏེ་ཕ་སྐད་འགྲན་བསྡུར་གྱི་བྱ་འགུལ་སྤེལ་རྒྱུ་ཡིན་པའི་བརྡ་སྦྱོར་ཟླ་བ་གསུམ་ཙམ་གྱི་སྔོན་ནས་མཚོ་སྔོན་ཞིང་ཆེན་ནང་ཁུལ་གྱི་སློབ་ཆེ་འབྲིང་ཡོངས་རྫོགས་ལ་འགྲེམ་སྤེལ་བྱས་པ་དེ་དངོས་སུ་ལག་བསྟར་ལ་བཏབ་པ་ཞིག་རེད། 
      བྱ་འགུལ་འདིའི་གཙོ་གཉེར་བ་ནི་མགོ་ལོག་མངའ་ཁོངས་ཀྱི་ལས་བྱེད་པ་དང་བསམ་བློ་བ་མི་ཉུང་བ་ཞིག་གིས་གྲུབ་ཅིང་ཕྱོགས་གང་ཐད་ནས་ཁོར་ཡུག་མི་མང་ལ་ཞབས་ཞུ་རོགས་འདེགས་རབ་དང་རིམ་པའི་བྱ་བཟང་གཉེར་མྱོང་བའི་གངས་ལྗོངས་ཤེས་རིག་ཡར་སྐུལ་ཚོགས་པ་ཡིན་འདུག་ལ། ཚོགས་པ་འདི་ནི་ཡ་སྔོན་གོང་འོག་གཉིས་ནས་དགའ་བསུ་ཐོབ་མྱོང་བའི་ཚོགས་པ་ཞིག་དང༌། ཁུལ་དང་ཞིང་ཆེན་གྱི་འབྲེལ་ཡོད་ལས་བྱེད་མི་སྣ་གཙོ་གྲས་དག་གིས་གདེང་འཇོག་དང་བཟང་བསྟོད་ཐོབ་མྱོང་བའི་ཚོགས་པ་ཞིག་ཀྱང་རེད། ད་ཐེངས་ཚོགས་པ་འདིས་བསམ་བློ་དང་ལྷག་བསམ་དཔལ་འབྱོར་བློ་འདོན་སོགས་ཀྱི་ནུས་ཤུགས་ཕུད་དེ། ཏང་དང་རྒྱལ་ཁབ་ཀྱི་གཏན་འབེབས་དང་མཐུན་པའི་འོག་ནས་མི་རིགས་ཀྱི་སྐད་དང་ཡི་གེ་སྲུང་སྐྱོབ་ཀྱི་སྲོག་གི་གནད་རྩ་ལ་གལ་ཆེན་དུ་ཁེལ་ཡོད་པ་ཞིག་ནི། འཛམ་གླིང་གི་ཐ་སྙད་གསར་བའི་འཕེལ་རྒྱས་རང་སྐད་དུ་ལེགས་འདྲེན་དང་བེད་སྤྱོད་བྱེད་ཐུབ་དགོས་པའི་སྐུལ་ལྕག་དང་སྔོན་འགྲོ་རུ་དམིགས་ཏེ་ཐེངས་འདིའི་བྱེད་སྒོའི་སྟེང་མགོ་ལོག་དང་མཚོ་ལྷོ་སོགས་ས་གནས་སོ་སོ་ནས་གདན་ཞུས་པའི་མཁས་པ་དང་དབུ་ཁྲིད་མི་ཉུང་བ་ཞིག་དང་། བོད་རོང་འབྲོག་མང་ཚོགས་ཀྱི་འཐུས་ཚབ་མི་སྣ། མདོ་འཛིན་པ་དང་བརྙན་གཏོང་བ་སོགས་སྐུ་མགྲོན་དག་གི་འགྲིམ་འགྲུལ་སོགས་ཀྱི་འགྲོ་སོང་ནས། ཁུལ་དང་ཞིང་ཆེན་སོགས་ས་གནས་མི་ཉུང་བའི་སློབ་མ་འགྲན་ཞུགས་པ་རྣམ་པར་འགྲན་བསྡུར་གྱི་མཐུན་སྐྱེན། ཚོགས་གནས། བྱ་དགའ། སོགས་ཀྱི་ཐད་ལ་མ་དངུལ་གྱི་འགྲོ་སོང་རྒྱ་མི་ཆུང་བ་ཞིག་ཕུད་དེ་ཕྱི་ནང་གི་དཀའ་ངལ་མང་པོ་ཞིག་ལྷག་བསམ་དང་འོ་བརྒྱལ་གྱི་གདོང་གིས་བསུས་ཏེ་བསྒྲུབས་པ་ནི། བོད་མི་མགོ་བོ་གནམ་སྟན་ཚོས་སེམས་ནང་ལ་འཇོག་དགོས་པ་དང་བཀའ་དྲིན་ཞུ་དགོས་པ་ཞིག་རེད་འདུག 
       འགྲན་བསྡུར་གྱི་གདན་ཞུས་དཔྱད་འདེམས་པ་དང་སྐུ་མགྲོན་ནི། བོད་རང་གི་ཕ་སྐད་ཀྱི་བླ་སྲོག་ལ་ཐུགས་སེམས་རྣམ་པར་དཀར་ཞིང་སྐད་གཉིས་ལོ་ཙཱའི་བྱ་གཞག་ལ་མཁྱེན་དཔྱོད་དང་ཉམས་མྱོང་གིས་ཕྱུག་པའི་མཁས་དབང་གསུམ་ཆེད་དུ་གདན་ཞུས་པ་ནི། མཚོ་སྔོན་མི་རིགས་སློབ་གྲྭ་ཆེན་མོའི་རྒན་སངས་རྒྱས་ལགས་དང༌། མཁས་པའི་དབང་པོ་སྐུ་ཞབས་ཟླ་བ་བློ་གྲོས། འཇུ་སྐལ་བཟང་རྣམ་པ་གསུམ་ཡིན་འདུག་པ་དང༌། གཞན་གངས་ལྗོངས་ཤེས་ནོར་བུའི་སློབ་གླིང་གི་གླིང་གཙོ་རྭ་རྒྱ་འཇིགས་མེད་རྒྱལ་མཚན་ལགས་དང༌། སྨན་རམ་པ་ཁ་ལོ། ལྡོང་ནོར་སྡེ་སོགས་ཞིང་ཆེན་དང་ཁུལ་སོ་སོའི་བོད་ཀྱི་མཁས་པ་དང་བསམ་བློ་བ། བླ་མ་དང་དགེ་བཤེས། དབུ་ཁྲིད་ལས་བྱེད་པ་མི་ཉུང་བ་ཞིག་དང༌། རྒྱ་ཆེའི་མང་ཚོགས་ཀྱི་འཐུས་ཚབ་པ་དཔེར་ན་མགོ་ལོག་པ་བྱམས་བརྩེའི་བདག་མོ་ཨ་མ་ཉི་མ་སྐྱིད་ལྟ་བུ་འཐུས་ཚབ་པ་དུ་མ་དང༌། གཞན་བྱ་འགུལ་འདིའི་ཐོག་མཐའ་བར་གསུམ་གྱི་མདོ་འཛིན་སྒྱུ་རྩལ་པ་མགོ་ལོག་འཇམ་དབྱངས་བློ་གྲོས་ལགས་དང༌མཚོ་སྔོན་བོད་སྐད་རླུང་འཕྲིན་ཁང་གི་སྒྲོལ་མ། མགོ་ལོག་བརྙན་འཕྲིན་ཁང་གི་ལས་བྱེད་མི་སྣ་མི་ཉུང་བའགའ་དང་དུ་གླུ་བ་ཤེར་བསྟན། རིག་འཛིན་སྒྲོལ་མ། མཐོ་སྒང་བུ་མོ་སྤུན་གསུམ་ལས་གླུ་མ་གསར་མཚོ། གླུ་བ་པདྨ་བསྟན་འཛིན་སོགས་གདན་ཞུས་སྐུ་མགྲོན་རབ་དང་རིམ་པ་ཞིག་དང༌། བྱ་འགུལ་འདིའི་འགྲན་ཚོགས་ལ་ཞུགས་པའི་མགོ་ལོག་བོད་རིགས་རང་སྐྱོང་ཁུལ། མཚོ་ལྷོ་བོད་རིགས་རང་སྐྱོང་ཁུལ། མཚོ་སྔོན་ཞིང་ཆེན་མི་རིགས་དགེ་ཐོན་སློབ་འབྲིང་སོགས་ཀྱི་སློབ་མ་སོགས་ཁྱོན་མི་གྲངས་བཞི་བརྒྱ་ཙམ་གྱིས་གྲུབ་པའི་འགྲན་ཚོགས་ཤིག་གོ། 
      འགྲན་བསྡུར་རྒྱུགས་གཞི་ནི་ནི་གཙོ་བོ་དེང་རབས་ཀྱི་ཁྱད་ཆོས་ཀྱིས་ཕྱུག་པའི་བརྙན་ཡོལ་ནས་འགྲན་ཞུགས་འཐུས་ཚབ་སློབ་མ་གསུམ་རེས་ངོས་འཛིན་དང་ལན་འདེབས་དགོས་པ་ཞིག་ཡིན་འདུག་ལ། དཔེར་ན། བརྙན་ཡོལ་ནས་མ་ཎི་ཡིག་དྲུག་གི་འཁོར་ལོ་ལས་འགྲན་ཞུགས་སློབ་མ་ཞིག་ལ་ཡིག་འབྲི་གང་བབས་ལྟར་མདོ་འཛིན་པ་དང་བརྙན་གཏོང་བ་མཉམ་འབྲེལ་བྱས་ཏེ་ཐ་སྙད་ངོས་འཛིན་ཐུབ་མིན་གྱི་བྱེད་ཐབས་དང་དྲི་བ་སོགས་ཡིན་པར་སྣང༌། དེ་བཞིན་དུ་མེ་ཏོག་འདབ་དྲུག་དང༌། བཀྲ་ཤིས་རྟགས་བརྒྱད། གློག་འཕྲུལ་འཐེབ་གནོན་སོགས་སྔོན་མེད་གསར་བའི་ཕྱོགས་ལ་ཁ་གཏད་པའི་རྒྱུགས་ལེན་ནམ་འགྲན་བསྡུར་གྱི་བྱེད་ཐབས་རབ་དང་རིམ་པ་ཞིག་ཡོད་པར་མ་ཟད་ངོ་མཚར་དང་ཁྱད་ཆོས་འབུར་དུ་ཐོན་པ་ཞིག་ཀྱང་རེད་ཟེར་འདུག 
       བཞི་བ་ཐེངས་འདིའི་ཕ་སྐད་ཐ་སྙད་འགྲན་བསྡུར་གྱི་ཨང་དང་པོ་མགོ་ལོག་ཁུལ་བོད་ཡིག་སློབ་འབྲིང་སྤྱིའི་ཚབ་བྱེད་སློབ་མ་ཚོ་དང༌། ཨང་གཉིས་པ་ཞིང་ཆེན་མི་རིགས་དགེ་ཐོན་སློབ་འབྲིང་སྤྱིའི་ཚབ་བྱེད་སློབ་མ་ཚོ། ཨང་གསུམ་པ་མཚོ་ལྷོ་ཁུལ་གྱི་སློབ་མའི་ཚབ་བྱེད་སློབ་མ་ཚོ་ལ་ཐོབ། གཞན་དཔའ་ལུང་བོད་ཡིག་སློབ་འབྲིང་ལ་རྟིང་སྐུལ་བྱ་དགའ་ཐོབ་པ་བཅས་ཡིན་འདུག 
       བྱ་འགུལ་འདིའི་བར་གསེང་གི་གོ་སྐབས་ཁྲོད་ནས་མཁས་དབང་གི་གསུང་བཤད་དང་ཕན་ཚུན་བཅར་འདྲི། གཞན་འགྲན་བསྡུར་ཚོགས་ཞུགས་ཡོངས་ཀྱི་ཁམས་དྭངས་སྤྲོ་འཕེལ་དུ་བོད་ཀྱི་གྲགས་ཅན་པདྨ་བསྟན་འཛིན་ལགས་ཀྱིས་བོད་གླུ་བླངས་པ། ཤེས་རིག་ཡར་སྐུལ་ཚོགས་པའི་ནང་གི་ལས་རིམ་རེ་འགའ་ཞིག་གི་དུས་ཚོད་ཀྱང་དམ་འཛིན་བྱས་འདུག་པ་དང་། ལྷག་པར་སྤྱི་ཚེས་བཅུ་དགུའི་ཉིན་བོད་ཀྱི་མཁས་དབང་ཆེན་མོ་རྒན་སངས་རྒྱས་ལགས་ཀྱིས་སྐད་སྐད་བསྒྱུར་ལོ་ཙཱའི་ཕྱོགས་ནས་འཆད་ཁྲིད་གནང་བ་སོགས་ཀྱིས་བོད་ཀྱི་ཕ་སྐད་འགྲན་ཚོགས་ཀྱི་བྱ་འགུལ་བཟང་པོ་དེ་རྒྱལ་ཁའི་ངང་མཇུག་གྲོལ་བ་ཡིན་འདུག་གོ།

མཚོ་སྔོན་ཞིང་ཆེན་སྐབས་དང་པོའི་བོད་ཀྱི་ཐ་སྙད་གསར་བའི་ཤེས་རིག་འགྲན་ཚོགས་ཟི་ལིང་ནས་བསྡུས་པ།
ཐོག་མར་ལས་བྱེད་མི་སྣའི་གྲོས་མོལ་བྱེད་བཞིན་པའི་སྐབས་ཀྱི་རྣམ་པ་ཞིག
མཚོ་སྔོན་ཞིང་ཆེན་སྐབས་དང་པོའི་བོད་ཀྱི་ཐ་སྙད་གསར་བའི་ཤེས་རིག་འགྲན་ཚོགས་ཟི་ལིང་ནས་བསྡུས་པ།
མདོ་འཛིན་པ་འཇམ་དབྱངས་བློ་གྲོས་དང་སྒྲོལ་མ་གཉིས་ཀྱིས་བྱ་འགུལ་མགོ་རྩོམ་བཞིན་པ།
མཚོ་སྔོན་ཞིང་ཆེན་སྐབས་དང་པོའི་བོད་ཀྱི་ཐ་སྙད་གསར་བའི་ཤེས་རིག་འགྲན་ཚོགས་ཟི་ལིང་ནས་བསྡུས་པ།
མདོ་འཛིན་པས་རྒྱུགས་གཞི་སྒྲོག་བཞིན་པའི་རྣམ་པ།
མཚོ་སྔོན་ཞིང་ཆེན་སྐབས་དང་པོའི་བོད་ཀྱི་ཐ་སྙད་གསར་བའི་ཤེས་རིག་འགྲན་ཚོགས་ཟི་ལིང་ནས་བསྡུས་པ།
ཚོགས་རའི་ཟུར་ངོས་ཀྱི་རྣམ་པ་ཞིག
མཚོ་སྔོན་ཞིང་ཆེན་སྐབས་དང་པོའི་བོད་ཀྱི་ཐ་སྙད་གསར་བའི་ཤེས་རིག་འགྲན་ཚོགས་ཟི་ལིང་ནས་བསྡུས་པ།
མཚོ་སྔོན་ཞིང་ཆེན་སྐབས་དང་པོའི་བོད་ཀྱི་ཐ་སྙད་གསར་བའི་ཤེས་རིག་འགྲན་ཚོགས་ཟི་ལིང་ནས་བསྡུས་པ།
འགྲན་བསྡུར་ཁྲོད་བྱ་དགའ་ཐོབ་ས་དག་གི་རྣམ་པ།
མཚོ་སྔོན་ཞིང་ཆེན་སྐབས་དང་པོའི་བོད་ཀྱི་ཐ་སྙད་གསར་བའི་ཤེས་རིག་འགྲན་ཚོགས་ཟི་ལིང་ནས་བསྡུས་པ།
མགོ་ལོག་བརྙན་འཕྲིན་ཁང་གིས་དགེ་རྒན་ཆེན་མོ་ཟླ་བ་བློ་གྲོས་ལ་རེབ་འདིའི་ཐ་སྙད་གསར་བའི་འགྲན་རྩོད་ཀྱི་ཚོར་བ་བཅར་འདྲི་བྱེད་བཞིན་པ་རེད
མཚོ་སྔོན་ཞིང་ཆེན་སྐབས་དང་པོའི་བོད་ཀྱི་ཐ་སྙད་གསར་བའི་ཤེས་རིག་འགྲན་ཚོགས་ཟི་ལིང་ནས་བསྡུས་པ།
བྱ་འགུལ་བར་གསེང་ནས་ཤེས་རིག་ཡར་སྐུལ་ཚོགས་པས་གླུ་བ་ཤེར་བསྟན་ལགས་གངས་ལྗོངས་ཤེས་རིག་ཚོགས་པའི་རྒྱུན་ལས་ལ་བསྐོ་བཞིན་པའི་རྣམ་པ།
མཚོ་སྔོན་ཞིང་ཆེན་སྐབས་དང་པོའི་བོད་ཀྱི་ཐ་སྙད་གསར་བའི་ཤེས་རིག་འགྲན་ཚོགས་ཟི་ལིང་ནས་བསྡུས་པ།
ཐེངས་འདིའི་བྱ་འགུལ་གྱི་ཐོག་མཐའི་མདོ་འཛིན་པ་འཇམ་དབྱངས་བློ་གྲོས་དང་གངས་ལྗོངས་ཤེས་རིག་ཡར་སྐུལ་ཚོགས་པའི་ཚོགས་གཙོ་དམེ་ཚང་རྟ་མགྲིན་ཚེ་རིང་དང་གཙང་སྐོར་གཅོད་པ་རྣམ་པའི་མཉམ་པར།

Copyright 2006-2017 Powered By jzschool 青ICP备06000522号 QQ:36150041
དྲ་ཚིགས་འདིའི་པར་དབང་ཡོད་ཚད་གཅན་ཚ་རྫོང་མི་རིགས་སློབ་འབྲིང་ལ་དབང་།