ཐོལ་བྱུང་གི་འགྱུར་ཁུགས།

སྤེལ་མཁན། དབང་གྲགས། ཡོངས་ཁུངས། ངེད་དྲ་བ། རྡེབ་ཚད། སྤེལ་དུས། 11/05/14

 མཐོ་འབྲིང་གཉིས་གསུམ་འཛིན་གྲྭ བསྟན་འཛིན་དོན་འགྲུབ།

                     བུ་མོའི་འཁྲུལ་སྣང་།

       གཟུགས་མཛེས་གཤིས་བཟང་མཛེས་མའི་ཁྱད་ཆོས་མེད།། 
       རྒྱུད་ན་ལུགས་གཉིས་ཤེས་བྱའི་ཡོན་ཏན་དབེན།། 
       བྲང་ན་ལྡེམ་ལྡེམ་འགུལ་བའི་ཤ་ལོག་གིས།། 
       རྨི་ལམ་འཚོ་བར་བརྫིས་བ་ཀྱེ་མ་ཧུད།།

                     སྟག་ཤ་ར།

       ཕ་མའི་དྲིན་གྱིས་བསྐྱངས་པའི་སྟག་ཤ་ར།། 
       ངེས་མེད་གྱང་ཁའི་རྩ་ཡི་ངང་ཚུལ་གྱིས།། 
       རང་ཚུགས་མེད་པར་ཆུང་མའི་ཁར་རྒྱུགས་ནས། ། 
       ཕ་མ་གསོ་སྐྱོང་མི་བྱེད་སྡང་མིག་སྟོན།།

                     བཙུན་པ།

       ཐར་བ་དོན་དུ་གཉེར་བའི་བྱམས་སེམས་ཅན།། 
       མཁས་བཙུན་བཟང་གསུམ་མཛེས་པའི་རྒྱན་ལ་སྤྲས།། 
       སྲོག་གི་ལང་ཚོ་གངས་རིའི་ལྗོངས་ལ་འདྲེས།། 
       མི་རིགས་ལས་དབང་གསོ་བའི་མ་མ་ཉིད།།

                     ལས་དབང་།

       སྐྱེས་རྒ་ན་འཆི་མི་རྟག་ལས་ཀྱིས་བྱས།། 
       སང་གི་བྱ་བ་མི་གསལ་ལས་ཀྱིས་བསྐྲུན།། 
       རང་བྱུང་གནོད་པ་འབྱུང་མིན་ལས་ཀྱིས་བྱེད༎ 
       ལས་ཀྱི་བཀའ་ལ་སུ་ཡང་བཟློག་ཏུ་མེད༎

                     དགེ་རྒན།

       མུན་པའི་འོད་སྣང་སེལ་བའི་སྒྲོན་མེ་ཡིས། ། 
       མ་འོངས་འབྱུང་འགྱུར་ཕྱོགས་ལ་ལམ་སྟོན་དང་།། 
       བློ་ངན་གཤིས་གྱོང་སློབ་མའི་རྣ་བ་རུ།།
       གཞན་ཕན་གསེར་གྱི་བྱེ་མ་གཏོར་འདི་རྨད།།

                     བརྩེ་འཕྲིན།

       གཤིས་བཟང་སྤྱོད་པས་སེམས་ཀྱི་འདུན་མ་བསྐུལ།། 
       སེམས་གྱི་འདུན་མས་བརྩེ་བའི་གཞུ་མོ་བཀུག། 
       བརྩེ་བའི་གཞུ་ལ་ཉག་ཕྲན་སྙིང་གཏམ་སྦྱར།།
       གཏམ་གྱི་མདའ་མོ་གྲོགས་པོའི་མདུན་ལ་བསྲིངས།།

Copyright 2006-2017 Powered By jzschool 青ICP备06000522号 QQ:36150041
དྲ་ཚིགས་འདིའི་པར་དབང་ཡོད་ཚད་གཅན་ཚ་རྫོང་མི་རིགས་སློབ་འབྲིང་ལ་དབང་།