མདུན་དུ་སྐྱོད་དང་སློབ་གྲོགས་ཚོ།

 དམའ་འབྲིང་གཉིས་གཉིས་འཛིན་གྲྭ དབང་ཕྱུག

       ཤ་རུས་གདུང་རྒྱུད་གཅིག་པའི་སློབ་གྲོགས་ཚོ།། 
       ཤེས་རིག་མེ་ཏོག་བཞད་པའི་སྐྱེད་ཚལ་དུ།།
        ངེད་ཅག་དགེ་སློབ་རྣམ་པ་བདེ་སྐྱིད་ངང་།། 
       མཐུན་སྒྲིལ་ལག་རྡང་སྦྲེལ་དང་མདུན་དུ་བསྐྱོད།། 
       ཕ་མའི་རེ་བཞག་སྐྱོང་བའི་སློབ་གྲོགས་ཚོ།། 
       ང་ཕྱུག་ཁྱོད་ཕྱུག་རྒྱུ་ཤུགས་མི་རྩོད་པར།། 
       ལེགས་བཤད་དྭངས་མོའི་རོ་བཅུད་བཏུང་བཞིན་དུ༎ 
       སློབ་དཔོན་དམ་པའི་དྲུང་ནས་ཤེས་བྱ་སྦྱོངས།། 
       གངས་རིའི་མཛད་རྗེས་སྐྱོང་བའི་སློབ་གྲོགས་ཚོ།། 
       ང་ཚོ་རང་གི་མེས་པོའི་རྒྱུད་འཛིན་ཡིན།། 
       མ་འོངས་གངས་ལྗོངས་གསར་བ་བསུ་བའི་ཆེད།།
        སྟོབས་ཤུགས་ཡོད་དགུས་རིག་གནས་ཤུལ་བཞག་སྐྱོངས༎ 
       བོད་རྒྱལ་སྲོང་བཙན་སྒམ་པོའི་གདུང་རྒྱུད་ཚོ། ། 
       འགྲན་རྩོད་མཐུ་ཤུགས་རྒོད་པའི་དུས་རབས་འདིར།། 
       གངས་ཅན་ཁ་བའི་ལ་རྒྱ་རྩོད་བཞིན་དུ།། 
       རྡོག་རྩ་གཅིག་སྒྲིལ་ངང་ནས་མདུན་དུ་བསྐྱོད།།