གྲོགས་པོ་དྲན་གླུ།

       ཤེས་བྱའི་མེ་ཏོག་རྒོད་པའི་ཞིང་ནས་མཛའ་གྲོགས་སློབ་བུ་ཁྱེད་ཉིད་དྲན༎
       ཁ་བ་བུ་ཡུག་སྟངས་སྟབས་ཁྲོད་ནས་ཕ་མ་ཟུང་གིས་ཁྱེད་རང་གླེང་༎
       མི་ཡུལ་འགྲོ་བའི་རྒྱལ་ཁམས་འདི་ནས་ཁྱེད་རང་དྲན་པའི་འཁྱམ་པོ་ངས༎
       ཁྱེད་ཀྱི་ལས་དབང་སྙིང་ལ་སྒོམ་ཏེ་ཡིག་དྲུག་ངག་ལ་དད་པས་ཟློ༎

       ཀྱེ་ཧུད་བརྩེ་བ་འགྱུར་བ་མེད་པའི་གཤིས་བཟང་གྲོགས་པོ་ཁྱེད་ཉིད་ནི༎
       རི་ཆུ་སྟོང་གི་ཕ་མཐའ་ཞིག་ན་སྐུ་ལུས་བརྗིད་པོ་བདེ་ལགས་སམ༎ 
       ཆོས་ཉིད་བཟློག་མེད་ལས་དབང་འདི་ཡིས་གཏན་གྱེས་ལས་སྐལ་ཤར་ནའང་།།
       ཕྱི་ཐག་སེམས་ཀྱི་བརྩེ་བ་དྲོན་མོ་འགྱུར་མེད་རྡོ་ཡི་གཤིས་ལས་བརྟན༎

       ལས་དབང་འདི་ཡིས་མངའ་ཐང་དྲན་ན་མིག་ཆུའི་གདུང་བ་མེ་རུ་འབར༎
       ཕྱིར་མིག་སེམས་ཀྱི་འཁྲེང་སེམས་ཀློང་ནས་ན་ཟུག་ལྕི་མོའི་ཕམ་ཁ་ཐོབ༎ 
       ཡིན་ཡང་འཇིག་རྟེན་སྲིད་པའི་ཆོས་ཉིད་བཟློག་མེད་རྡོ་ཡི་ཐམ་ག་ཞིག།
       ང་དང་ཁྱོད་ཀྱི་ལྷན་འཛོམས་མི་ཚེ་འདི་ལྟར་གཏོར་བ་སྐྱོ་བ་ཨང་༎