བུ་ཆུང་གི་སེམས་ངལ།

མཐོ་འབྲིང་གསུམ་གསུམ་འཛིན་གྲྭ དཔལ་མགོན་སྐྱབས།

       སྡོང་ལོ་ས་རུ་འཐོར་བ་དུས་ཚིགས་ཀྱི་ཆོས་ཉིད༎
       སྟོན་མཇུག་ལག་པ་བསྲིངས་པའི་བར་གསེང་གི་ཁྲོད་ན།།
       ཤེས་རིག་འདབ་མ་རྒྱས་པའི་སློབ་གླིང་གི་དབུས་སུ༎ 
       ཅང་མེད་བུ་ལོ་ང་ལ་སེམས་ངལ་ཀྱིས་མོད་འགྲོ༎
       གཟུགས་མེད་མཐོ་རྒྱུགས་ཟེར་བའི་མིང་བརྡ་དེ་དྲན་དུས༎
       གློ་སྙིང་མཆིན་གསུམ་གཟའ་ཡིས་བཟུང་བ་དང་འདྲ་བར༎
       བལྟས་ན་བློ་རིག་རྒྱས་པའི་ན་ཆུང་གི་བུ་ང་༎
       དྲན་མེད་སྡོང་དུམ་ཞིག་གི་ཕུང་བོ་རུ་འགྱུར་འགྲོ༎ 
       དེ་རིང་སྔ་ན་མེད་པའི་ངེས་ཤེས་ཤིག་འཁྲུངས་ཏེ།།
       འགྱུར་མེད་དམ་བཅའ་སྙིང་གི་རི་མོ་ལ་བཀོད་ཀྱང་༎
       སང་ཉིན་ལེ་ལོ་རྣམ་གཡེང་དཔུང་ཚོགས་དེ་ཐོན་དུས།། 
       སུན་རྩེན་བདེ་བར་རོལ་བའི་བརྒྱ་བྱིན་ཡང་འདར་ངེས༎
       ལག་ཟུང་བྲང་ཁར་བཞག་སྟེ་བསམ་བློ་རེ་བཏང་ན༎ 
       དམར་པོ་ཁྲག་གིས་གྲུབ་པའི་སྙིང་ཆུང་ཞིག་ལྡིང་ཞིང་༎
       ལྷོག་ལྷོག་འཕྱུར་བའི་ཟུངས་ཁྲག་དྲོན་མོ་ཞིག་རྒྱུ་མོད༎ 
       མི་ཞིག་ཡིན་པའི་དོགས་པ་རང་ཉིད་ལ་སྐྱེས་འགྲོ༎