བོད་ཀྱི་མཛངས་བློན་བདུན་པོ་གང་དག་ཡིན། ཁོང་ཚོས་བྱས་རྗེས་ཅི་ཞིག་བཞག་པ་ཡིན།

སྤེལ་མཁན། Jzschool ཡོངས་ཁུངས། ཤེས་རབ་རྒད་པོའི་འབེལ་གཏམ། རྡེབ་ཚད། སྤེལ་དུས། 10/03/06

         སྤུར་རྒྱལ་བོད་ཀྱི་མཛངས་བློན་མི་བདུན་ཞེས་སྙན་པའི་གྲངས་པ་ས་སྟེང་དུ་ཁྱབ་པའི་དང་པོ་ནི། སྟོད་ཀྱི་སྟེང་གཉིས་ཞེས་གྲགས་པའི་ཕྱི་མ་སྤུ་དེ་གུང་རྒྱལ་གྱི་བློན་པོ་རུ་ལས་སྐྱེས་བྱ་བ་དེ་ཡིན་ལ། ཁོང་གིས་མཛངས་པའི་ལས་སུ་ཤིང་བསྲེགས་པའི་སོལ་བས་རྡོ་བཞུགས་ནས་གསེར་དངུལ་ཟངས་ལྕགས་སྦྱངས། ཤིང་ལ་མིག་ཕུག་ནས་གཤོལ་དང་གཉའ་ཤིང་བྱས། ས་གཞི་བརྐོས་ནས་ཕུ་ཆུ་ཡུར་ལ་དྲངས། རྨོན་དོར་བསྡེབས་ནས་སྤང་ཐང་ཞིང་དུ་རྨོས། དྲག་ཏུ་འབབ་པའི་ཆུ་ལ་ཟམ་པ་བཙུགས་ཤིང་རྨོས་པའི་ལོ་ཏོག་འདི་བའི་རིང་ལ་བྱུང་།
         འཕྲུལ་བློན་མཛངས་མི་གཉིས་པ་ནི། ལེགས་དྲུག་གི་ཐོག་མ་ཨི་ཤོ་ལེགས་ཀྱི་བློན་པོ་རུ་ལས་སྐྱེས་ཀྱི་བུ་ལྷ་བུ་མགོ་དཀར་བྱ་བ་དེ་ཡིན་ལ། ཁོང་གིས་ཞིང་ལ་དོར་ཁ་བརྩི་བ་དང་། འབྲོག་ལ་ཐུལ་རྩིས། ཕུ་ཆུ་ཡུར་བར་འདྲེན་པ་བཅས་ཀྱི་སྲོལ་བཏོད་པར་མ་ཟད་ཞིང་ཆུ་མ་རྨོ་བའི་མགོ་ཡང་ཁོང་གི་རིང་ལ་བརྩམས་པར་གྲགས། 
         འཕྲུལ་བློན་མཛངས་མི་བདུན་གྱི་གསུམ་པ་ནི། སྟག་རི་གཉན་གཟིགས་ཀྱི་བློན་པོ་ཁྲི་ངོར་སྣང་བཙུན་མོང་གི་བུ་ཡིན་ལ། འདི་བའི་སྐུ་རིང་ལ་བྲེ་ཕུལ་སྲང་གསུམ་དང་ཚོང་ལས་དར་བར་བཤད།
         འཕྲུལ་བློན་མཛངས་མི་བདུན་གྱི་བཞི་བ་ནི། འཕྲུལ་གྱི་རྒྱལ་པོ་སྲོང་བཙན་སྒམ་པོའི་ཆོས་བློན་ཐོན་མི་སམ་བྷོ་ཊ་སྟེ། ཁོང་གིས་བོད་ཡིག་ཐོག་མར་གསར་བཟོ་མཛད་ཅིང་བོད་ཡུལ་མུན་པའི་གླིང་འདི་རིག་པའི་ཉིན་བྱེད་ཀྱིས་གསལ་བར་བྱས།
          འཕྲུལ་བློན་མཛངས་མི་བདུན་གྱི་ལྔ་བ་ནི། སྲོང་བཙན་གྱི་བློན་པོ་ཁྲི་བཟང་ཡང་སྟོན་སྙགས་ཀྱི་བུ་ཡིན་ལ། ཁོང་གིས་རི་ཁྱིམ་ཀླུང་དུ་ཕབ། སྤོ་མཐོའི་མཁར་དུ་བརྩིགས་ནས་གྲོང་ཁྱེར་བཅོས་པས་བོད་ཀྱི་གྲོང་ཁྱེར་གྱི་ཐོག་མ་ཡང་དུས་སྐབས་འདི་ནས་བྱུང་བར་གྲགས།
          འཕྲུལ་བློན་མཛངས་མི་བདུན་གྱི་དྲུག་པ་ནི། ཁྲི་སྲོང་ལྡེ་བཙན་གྱི་བློན་པོ་མགོས་ཁྲི་བཟང་ཡབ་ལྷག་བྱ་བ་དེ་ཡིན་ལ། བློན་པོ་འདིས་གསོས་ཐང་སྟོང་ཐང་སོགས་ཁྲིམས་ཀྱི་བྱང་བུ་དགུ་གཏན་ལ་ཕབ་ཅིང་བོད་ཀྱི་ཁྲིམས་ཀྱི་ཐོག་མ་འདི་ནས་དར་བར་གྲགས།
འཕྲུལ་བློན་མཛངས་མི་བདུན་གྱི་བདུན་པ་ནི། ཁྲི་སྲོང་ལྡེའུ་བཙན་གྱི་བློན་པོ་སྟག་བཙན་གདོང་གཟིགས་བྱ་བ་དེ་ཡིན་ལ། བློན་པོ་འདིའི་སྐུ་རིང་ལ་འབངས་མི་ཁྱིམ་རེ་ལ་རྟ་མཛོ་བ་གསུམ་སོགས་ཆ་སྙོམས་སུ་བགོས་ཤིང་། དབྱར་གྱི་རྩྭ་བྲེགས་ནས་བསྐམས་རྗེས་དགུན་དུས་ཕྱུགས་ཀྱི་གཟན་དུ་བྱེད་པའི་སྲོལ་བཏོད་ཅེས་དེབ་སྔོན་དུ་གསུངས། ༼ལན་འདེབས་མཁན་རྡོ་རྗེ་ཡིན༽

Copyright 2006-2017 Powered By jzschool 青ICP备06000522号 QQ:36150041
དྲ་ཚིགས་འདིའི་པར་དབང་ཡོད་ཚད་གཅན་ཚ་རྫོང་མི་རིགས་སློབ་འབྲིང་ལ་དབང་།