སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུ་དེ་གང་དག་ཡིན།

སྤེལ་མཁན། Admin རྡེབ་ཚད། སྤེལ་དུས། 11/01/10

      སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུ་སྟེ། ༡.སེན་མོ་ཟངས་ཀྱི་མདོག་ལྟ་བུ། ༢.སེན་མོའི་མདོག་སྣུམ་པ། ༣.སེན་མོ་མཐོ་བ། ༤.སོར་མོ་རྣམས་ཟླུམ་པ། ༥.སོར་མོ་བྱིན་བྱིན་གྱིས་ཕྲ་བ། ༦.སོར་མོ་རྣམས་རྒྱས་པ། ༧.རྩ་མི་མངོན་པ། ༨.རྩ་མདུད་མེད་པ། ༩.ལོང་བུ་མི་མངོན་པ། ༡༠.ཞབས་མི་མཉམ་པ་མེད་པ། ༡༡.སེང་གེ་སྟབས་སུ་གཤེགས་པ། ༡༢.གླང་པོ ཆེའི་སྟབས་སུ་གཤེགས་པ། ༡༣.ངང་བའི་སྟབས་སུ་གཤེགས་པ། ༡༤ཁྱུ་མཆོག་གི་སྟབས་སུ་གཤེགས་པ། ༡༥.གཡས་ཕྱོགས་སུ་ལྡོག་ཅིང་གཤེགས་པ། ༡༦.མཛེས་པར་གཤེགས་པ། ༡༧.མི་གཡོ་བར་གཤེགས་པ། ༡༨.སྐུ་འཁྲིལ་བག་ཆགས་པ། ༡༩.སྐུ་བྱི་དོར་བྱས་པ་ལྟ་བུ། ༢༠.སྐུ་རིམ་པར་འཚམ་པ། ༢༡.སྐུ་གཙང་བ། ༢༢.སྐུ་འཇམ་པ། ༢༣.སྐུ་རྣམ་པར་དག་པ། ༢༤.མཚན་ཡོངས་སུ་རྫོགས་པ། ༢༥.སྐུ་ཁོ་ལག་ཡངས་ཤིང་བཟང་བ། ༢༦.གོམ་པ་སྙོམས་པ། ༢༧.སྐུ་ཤིན་ཏུ་གཞོན་མདོག་ཅན། ༢༨.སྐུ་ཞུམ་པ་མེད་པ། ༢༩.སྐུ་རྒྱས་པ། ༣༠.སྐུ་ཤིན་ཏུ་གྲིམས་པ། ༣༡.སྐུ་ཡན་ལག་དང་ཉིང་ལག་ཤིན་ཏུ་རྣམ་པར་འབྱེད་པ། ༣༢.གཟིགས་པ་རབ་རིབ་མེད་ཅིང་རྣམ་པར་དག་པ། ༣༣.དཀུ་ཟླུམ་པ། ༣༤.དཀུ་སྐབས་ཕྱིན་པ། ༣༥.དཀུ་མ་སྙེངས་པ། ༣༦.ཕྱལ་ཕྱལ་ངེ་བ། ༣༧.ལྟེ་བ་གཡས་ཕྱོགས་སུ་འཁྱིལ་བ། ༣༨.ལྟེ་བ་ཟབ་པ། ༣༩.ཀུན་ནས་མཛེས་པ། ༤༠.ཀུན་ཏུ་སྤྱོད་པ་གཙང་བ། ༤༡.སྐུ་ལ་སྨེ་བ་དང་གནག་བག་མེད་པ། ༤༢.ཕྱག་ཤིང་བལ་ལྟར་ཤིན་ཏུ་འཇམ་པ། ༤༣.ཕྱག་གི་རི་མོ་མདངས་ཡོད་པ། ༤༤.ཕྱག་གི་རི་མོ་ཟབ་པ། ༤༥.ཕྱག་གི་རི་མོ་རིང་བ། ༤༦.ཞལ་ཧ་ཅང་ཡང་མི་རིང་བ། ༤༧.ཞལ་གཟིགས་ཀྱི་གཟུགས་བརྙན་སྣང་བ། ༤༨.ལྗགས་མཉེན་པ། ༤༩.ལྗགས་སྲབ་པ། ༥༠.ལྗགས་དམར་བ། ༥༡.གླང་པོ་ཆེའི་ང་རོ་དང་འབྲུག་གི་སྒྲ་དང་ལྡན་པ། ༥༢.གསུང་སྙན་ཅིང་མཉེན་ལ་འཇམ་པ། ༥༣.མཆེ་བ་ཟླུམ་པ། ༥༤.མཆེ་བ་རྣོ་བ། ༥༥.མཆེ་བ་དཀར་བ། ༥༦.མཆེ་བ་མཉམ་པ། ༥༧.མཆེ་བ་བྱིན་གྱིས་ཕྲ་བ། ༥༨.ཤངས་མཐོ་བ། ༥༩.ཤངས་གཙང་བ། ༦༠.སྤྱན་རྣམ་པར་དག་པ། ༦༡.སྤྱན་ཡངས་པ། ༦༢.རྫི་མ་སྡུག་པ། ༦༣.སྤྱན་དཀར་ནག་འབྱེས་ཤིང་པདྨའི་འདབ་མའི་མདངས་ལྟ་བུ། ༦༤སྨིན་ཚུགས་རིང་བ། ༦༥.སྨིན་མ་འཇམ་པ། ༦༦.སྨིན་མ་སྤུ་མཉམ་པ། ༦༧.སྨིན་མ་སྣུམ་པ། ༦༨.སྙན་ཤལ་སྟུག་ཅིང་རིང་བ། ༦༩.སྙན་མཉམ་པ། ༧༠.སྙན་གྱི་དབང་བོ་མ་ཉམས་པ། ༧༡.དཔྲལ་བ་ལེགས་པར་དབྱེས་པ། ༧༢.དཔྲལ་བ་དབྱེས་ཆེ་བ། ༧༣.དབུ་ཤིན་ཏུ་རྒྱས་པ། ༧༤.དབུ་སྐྲ་བུང་བ་ལྟར་ནག་པ། ༧༥.དབུ་སྐྲ་སྡུག་པ། ༧༦.དབུ་སྐྲ་འཇམ་པ། ༧༧.དབུ་སྐྲ་མ་འཛིངས་པ། ༧༨.དབུ་སྐྲ་མི་གཤོར་བ། ༧༩.དབུ་སྐྲ་དྲི་ཞིམ་པ། ༨༠.ཕྱག་དང་ཞབས་དཔལ་གྱི་བེའུ་དང་བཀྲ་ཤིས་དང་གཡུང་དྲུང་འཁྱིལ་བས་བརྒྱན་པ་སྡོང་རིས་འཁྱིལ་བ་དང་བཅས་བརྒྱད་ཅུའོ། །

Copyright 2006-2017 Powered By jzschool 青ICP备06000522号 QQ:36150041
དྲ་ཚིགས་འདིའི་པར་དབང་ཡོད་ཚད་གཅན་ཚ་རྫོང་མི་རིགས་སློབ་འབྲིང་ལ་དབང་།